Tuesday, March 26, 2013

Garfield Nail Art

Kung meron mang isang bagay na katangi-tanging patunay na, ako'y isang pusong bata (child at heart) ay iyon ang walang hanggang pagmamahal ko kay Garfield. Bata pa lang ako nango-ngolekta na ako ng mga Garfield items. Mula sa lapis, pambura, papel, komiks, poster, towel, coin purse, frame, stuff toy, atbp tinatago ko basta orihinal na likha ni Jim Davis (PAWS).

Bagamat wala akong pagkagiliw na nararamdaman sa mga hayop na pusa (hindi cartoons), may kakaibang pakiramdam na makita si Garfield. Siya lang kasi ang karakter na alam kong hindi nagkukunwari. Gutom na kung gutom. Tamad na kung tamad. Pero alam ko na totoo ang pusong ipinapakita nya sa manonood nya. Samahan mo pa na kagaya ko ay napakatakaw nya.

Kaya napakasaya ko talaga ng sa wakas ay may Garfield Nail Art na din ako. Hindi ko man ito maitatago o maku-kulekta, maipagmamalaki kong tatak Garfield na ang kuko ko.
 
 
Salamat kay Elaine Joy Ramos (on FB, tips 'n hues) pagkatapos ng isang taon na paghihintay, ayan success story na ang Garfield Nail Art ko.
 
Sa susunod ibang Garfield design naman ha.